Nadžanen sar te aven dži informacije save bi aven olenge importanto peske, profesionalno em familijako dživdipe. Nadžanen so isi amen bilovengo kera, sar te učlaninenpe i te keren disave akcije... Reširsardam te dola taro Beogrado i gova so ka kera informacijakoro bazaro ke džuvljikane organizacije. Odova nane sa. Anjaver masekija te muka o than e romnjenge em čajenge te bešen trin ure ando rekreativno programi so ka vodinen javer džuvlja. Mangljam te vikinolpe džuvljikano dive. Ando ova vakti te pijolpe kafava ili  čaj, em te keren lafija maškar peste. Te keren peske kanči korisno, em te oven javere džuvljencar. Vakerdžam e Kultorno centrosa REX te keren amencar em te denamen po than, on manglje jek kulturakoro institucija ando šerutno foro te avoljen programi e džuvljenge. Odova si svako paluno savatone ano masek.
Angluno dičipe ka avol akaja paluno savatone, 23. februari kataro 15 džiko 18h, ani Jevrejska 16. Akara e romnjen te aven em te anen amalinja, čajen, kolegenice, dajen, purjen… O programi akaja savatone ka indžarol amari pindžarutni em iskusno pozorišna rediteljka, Dijana Milošević.
Džuvlja ando buti vikinen saren tumen e džuvljaljen – lačoaviljen te menjisara amoro dživdipe!

Tekst prevele: Ljumturije Alija i Vera Kurtić.